今日行程只係去Paestum所以唔駛趕慢慢食埋酒店嘅早餐先出發, 酒店嘅早餐非常唔錯, 有包, 乳酪, 生果等, 然後搭0810/0825時巴士去Salerno, 車程約一小時, 响Piazza della Concordia站落車, Piazza della Concordia站就係碼頭果度, 有個好大嘅海濱廣場車站果度有支好大鐵柱唔記得係咪旗桿, 不過幾容易認, 成車9成人响果度落車, 我都係其他乘客叫我落車, 果時大約九時半, 而去Paestum嘅34號CSTP巴士( http://www.cstp.it/index.asp (Orari Online>Visualizza Orario Corse Feriali (weekdays) / Visualizza Orario Corse Festive(Sun & Holiday)>Linea 34))亦都响呢個站搭, 巴士站有個電子顯示將會到站嘅巴士號碼, 但去Paestum果架巴士唔會响果度顯示, 只可默默等, 夠鐘就會來唔駛耽心. 上車時得幾個人, 同司機講去Paestum到站司機就會叫你落車, 約一小時十分到, 落車時司機指着前面叫我地向前行, 而落車時亦有問司機返轉頭個站响邊佢就指住對面, 只有我同肥G兩個人落車, 到Paestum約1045時, 向前行入去幾分鐘很近, 即刻行去i問回程時嘅巴士/火車嘅時間後, 再行入遺跡.
Paestum遺跡面積不大, 約一小時可行完, 有免費厠所响出面, 裏面有三座保存得好完整嘅神殿, 而其他嘅地方好似圓形劇場, 公共廣場等就破破爛爛, 只係可忍約見到外形. 但神殿真係好靚, 不過有木欄圍住唔可以行上去.
凱雷斯神殿Tempio di Cerere
留言列表