2010-06-14 Mon (Day 9) Siena & San Gimignano
今日又是一早起床往Sita巴士站坐巴士(7.1歐)往Siena, 到達後立即尋找稍後往San Gimignano的直達車巴士站, 及確認時間, 雖然出發前已在網路上列印巴士資料, 但確認一下較為保險, 預計都會坐1424時或1520時之巴士.
之後便開始參觀Siena, Siena內有很多教堂, 通常如經過都會入內望下, 睇睇有無好嘢, 例如靚彩繪玻璃馬賽克等. 雖然很多時都不知道教堂的名字, 不過又有乜所謂, 靚就得啦!
貝殼形的康波廣場, 真係幾靚, 亦係我想上去的曼賈塔(8歐)的所在地, 之前有大大排隊上塔等了差不多兩小時, 於是一支箭標去排隊, 當時約有20至30人排緊, 諗住會好快, 但因為要分批上塔同再等他們落番來, 下一批才上的關係, 所以都等了約30分鐘才可上塔, 由塔上可看廣濶的Siena, 所以一定要上塔, 最慘部相機削, 所以影唔哂整個貝殼, 非常可惜.
Siena街道, 屋等景色
Siena大教堂本來無打算入內, 因為教堂睇得太多, 加上要比錢. 基於八卦心理往售票處睇吓幾錢入場費, 發現只係3歐, 既然o甘平, 即刻買票入內, 入面真係另人喜出望外, 所以一定要入去呀!
由於要搭1520時巴士(6.25歐)去San Gimignano, 所以未行完就依依不捨離開.
約4時半到達San Gimignano即刻響門口影張相, 就衝入去Torre Grossa(5歐)打算上塔驚會關門, 明明睇地圖係響唯一嘅細小廣場內, 但轉了幾個圈, 都找不到入口, 之後發現在內園入面再上一樓之售票處, 覺得太貴同座塔不大靚, 所以最後都無上去, 然後四處閑逛, 發現San Gimignano好細, 無乜地方好行, 得一條大街, 景色一般. 真後悔! 應該響Siena留耐一點. 一場來到都影番幾張相啦! 之後, 行了一陣就搭巴士(6.25歐)返Firenze啦.
飯後返回B&B Peterson, 發生咗一件非常不愉快之事件, 就係屋主將成間屋租比一Group人, 留低字條要我搬去另一間hostel, 辯稱話佢太太攪錯咗以為我會住埋今晚走, 我同佢響電話嘈咗好耐, 佢仲話我唔肯, 就會響我出去之後, 將我的行理搬過去佢另一間C字頭嘅hostel, 嬲到我爆炸! 佢話距離幾分鐘, 我上網睇發現離火車站仲要遠要行多十分鐘無lift. 第二朝一早職員仲專登不停按門鐘嘈我, 之後屋主到又嘈咗好耐, 佢就話比番的士錢我, 由於浪費咗我啲時間, 我要求一半o個曰房租(20歐)補償, 佢亦好爽快即比, 之後車埋我過去, 不過o個間房係Spare房, 沙發床加摺床完全唔掂! 佢最後送咗支細紅酒做禮物, 但呢件事始終影響咗我出來玩嘅心情!
留言列表
