2010-06-12 Sat (Day 7) Firenze 佛羅倫斯 ﹣ Uffizi
今曰主要行程是去烏菲茲美術館, 一早在網上買票, 票價是10歐加4歐手續費, 因網上各大大話現場買票會打蛇餅要排2至3小時, 對於我們來說, 時間太少要去嘅地方太多, 唯有忍痛用錢買時間啦! 重要上午時段滿哂, 所以買咗1245時. 但去到時發現只有十多人排隊, 我的4歐x2白白飛走咗啊! 但我仍然建議各朋友訂票, 因為去佛羅倫斯唔去烏菲茲, 始終係會遺憾, 又唔知下次再去意大利係幾時, 一於要玩盡佢, 當然呢個地方絕對唔會令大家失望!
烏菲茲裏面可影相, 但畫廊就絕對唔俾影, 都理解嘅, 始終繪畫係比較難保存, 雖然唔識欣賞, 但都希望可以俾更多人欣賞.
入到去當然要睇睇小冊子封面嗰幅<維納斯的誕生>啦! 不過我個人認為佢隔鄰嗰幅<春>比較靚, 在裏面行了大概兩個多小時才離開. 由於裏面大多是畫廊, 所以無乜影相, 只是在門口嘅雕塑影了幾張. 之後在附近閑逛, 晚飯當然又去La Spada食我嘅至愛一公斤牛排啦! 真係好好味, 強烈推介!
文章標籤
全站熱搜
留言列表