2011-07-04 (Mon) Kizhi 基日島
今次重點行程, 非常值得去的世遺景點, 又型又靚, 雖然超貴, 車船連入埸HK1200-1300一人, 但都要一到嘅地點. 於St Petersburg 坐夜火車(Train 658, 2202-0650, R700=195HK)到Petrozavodsk, 早上到達. 據旅遊書所講, 火車站出面坐1號無軌電車沿列寧大街就可坐到碼頭附近再行5分鐘就到, 而火車站行出來12點方向直行應該就係
今次重點行程, 非常值得去的世遺景點, 又型又靚, 雖然超貴, 車船連入埸HK1200-1300一人, 但都要一到嘅地點. 於St Petersburg 坐夜火車(Train 658, 2202-0650, R700=195HK)到Petrozavodsk, 早上到達. 據旅遊書所講, 火車站出面坐1號無軌電車沿列寧大街就可坐到碼頭附近再行5分鐘就到, 而火車站行出來12點方向直行應該就係
列寧大街, 我地見到1號車就即刻衝上車(R12), 但是見架車向右邊行(3點方向), 已經心知不妙, 即刻拿本書問人, 指手劃腳之後, 知道上錯車, 有好心乘客叫我地跟住佢, 約過了兩個街口後, 帶我地落車行去另一個巴士站等車(應該係卡爾馬克思街), 因為佢地都係响那轉車, 之後有巴士來, 佢就指我地上車, 都無留意幾號, 一上車又拿本書問售票員, 知道上對車, 等到站叫我地落車, 一過了俄羅斯話劇院就叫我地落車, 然後有條馬路行落去碼頭都好易搵. 其實唔一定要坐車去碼頭, 因為除我地之外, 有個香港嘅女大學生都同我地一樣坐同一班火車來(一樣同一班火車走), 不過佢行過來, 行約1小時(唔識路慢慢行, 所以應該唔駛咁耐). 碼頭早上好凍又無帶厚衣, 差點凍死. 我地去完基日島晚上坐夜火車返St Petersburg(Train 657, 2250-0707, R700=195HK), 因為有很多時間, 所以都係慢慢行去火車站, 附近無乜景點, 不過都經過兩間超市, 可以作補給之用.
無軌電車上面有路線圖, 唔係好識睇.
落車地點俄羅斯話劇院
買船飛及候船室
船期, 不是全部都有, 我地當日最早果班1130開, 搭1630果班返.
船票單程R1100, 超貴.
文章標籤
全站熱搜
留言列表