2010-06-17 Thur (Day 12) Pompeii 龐貝
今朝又係一早起身check-out, 因為今日計劃咗會去兩個地方, 龐貝及國立考古學博物館, 然後又要趕去碼頭嘅Sita巴士站搭1615時巴士去Maiori, 所以行程非常趕. 當然最後都出事啦! 因為真係Mission impossible架! 因為淨係龐貝都要用一曰啦! 但點解我會這樣編呢? 講起就長篇囉!
都係將Artecard 3 days(27歐, http://www.artecard.it/)累事, 佢包含兩樣嘢, 1)三曰內(並非72小時)去頭兩個景點免費, 第三個起就半價, 2)三日內有效嘅Unicocampania交通卡. 於Artecard網頁查過, 我今次行程內要去嘅景點, 龐貝(11歐), 國立考古學博物館(書寫6.5歐其實係10歐)同Paestum(4歐連Museum6.5歐), 而根據地理位置龐貝及國立考古學博物館喺Neples那邊, 而Paestum就喺Salerno那邊再搭一個鐘頭車嘅地方, 真係一個最左一個最右, 當然係去完一邊先去另一邊啦. 再加上張交通卡, 其實就係Unicocampania 3T卡(http://www.unicocampania.it/index.php?lang=en), 其實一般遊客大多數來南意都係去拿波里, 阿瑪菲海岸, 蘇連多, 張3T卡基本上真係包哂所有交通, 淨係張3T卡已經要20歐, 果張Unico Costiera 3 day卡淨係喺阿瑪菲海岸搭車都要18歐啦! 張Artecard真係抵到爛! 雖然係咁抵, 但人嘅貪念真係無止境, 成日想貪到盡, 最後咪貪字得個貧囉! 係頻撲個頻!
由於龐貝8時半開, 我地又要趕兩個景點, 再加上未買Artecard, 所以要再早啲起身買Artecard, 知道火車站有得賣, 但行來行去都搵唔到响邊, 最後响Basement嘅Circumvesevius私鐵入口售票處有得賣, 當時約0750時, 職員响度但未夠鐘開工, 唯有等, 但睇見時間表見到15分有車, 所以乾着急, 原則上應該趕得切, 但領較過歐洲地方嘅效率, 所以話唔埋嘅. 不過, 原來無乜手續, 俾錢佢俾兩包我地(Artecard連小冊子有介紹景點同搭車方法, 好方便), 即拆即填就衝入閘, 順利上車, 坐去蘇連多方向响Pompei Scavi站落車, 到達龐貝剛剛開門, 總之係時間剛剛好.
西元79年商業繁榮嘅龐貝城, 因維蘇威火山突然爆發, 整個城瞬間被掩埋. 所以街道, 神殿, 浴場, 住宅, 劇場等被保存下來. 始終係經過千幾年嘅時間, 所以無可能會完完整整, 但可清楚睇倒成個城係好有規劃, 沿條大道行就會到公共廣場, 廣場四周有圍住神殿, 再伸延開去有浴場妓院劇場等商業場所, 街道井然有序, 好多交界路口位亦設有水龍頭. 而住宅亦集中响同一區域, 好多屋入面都有裝飾過, 包括壁畫, 地磚等, 証明當時已經好繁榮, 同埋啲人係好有錢嘅! 成個遺跡好大, 要行幾個鐘, 周圍無遮無掩, 天氣又曬, 都好辛苦架!
公共廣場及神殿
劇場
浴場
妓院, 裏面好細, 但個個遊客都入去, 所以好迫, 唔可以開閃光燈
被活埋嘅人有着驚恐表情
牆壁
地磚
水龍頭
由於要趕去下個景點, 急急腳行完, 約1245時離開, 坐私鐵返回去拿波里火車站轉地鐵2線Piazza Cavour站落車嘅國立考古學博物館, 一出站有條大馬路但分唔清方向, 問人被老點出站向左沿大馬路行, 行咗十分鐘越來越唔對路, 再問另一個後生女, 佢指俾我地睇係行相反方向, 即係出站向右沿大馬路行先正確, 所以行返轉頭, 終於到咗門口, 不過果時已經兩點, 計一計如果入去唔夠時間行, 所以最終無入去.
於是又搭番地鐵返回拿波里火車站返酒店問嘢, 因為要去Naples(Varco Immacolatella)搭Sita巴士去Maiori, 因為响Sita bus (www.sitabus.it>Linee Regionali>Campania>Orari Linee Campania)網站上只有一架直車由Naples(Varco Immacolatella)去Maiori, 因為唔想响Amalfi轉車(就係呢個唔想轉車嘅念頭我同肥G嘅惡夢開始嘞!), 所以想問酒店行去Naples(Varco Immacolatella)巴士站要幾遠, 上網查過個站响碼頭, 由於原本無打算响市內觀光, 所{行理行去確認一下响邊, 點知行咗好耐好耐問吹好多好多人, 先搵到足足行咗一個鐘, 行到我又累又發脾氣, 又心急因為重要返酒店攞行理再要折返, 本來時間好充裕, 突然攪到非常趕急, 於是問巴士站Sita售票處職員確認咗無去錯地方, 即刻問佢撘乜巴士可返去火車站, 佢話我地聽行番出去(碼頭入面嘅巴士站成個範圍有鐵網圍住得一個車路出口)出口嘅大馬路搭巴士(號碼唔記得), 搭咗10-15分鐘就到, 衝返去攞行理再搭番呢架巴士去碼頭, 好彩趕得切. 不過响碼頭都等咗好耐, 架車遲咗, 巴士站又企咗好多人, 又無號碼(應該搭Quadro7: 1615時開1755時到Maiori Centro), 攪到每次有車開即刻衝前問職員係咪去Maiori, 幾經辛苦先上咗車, 見架車轉咗入市區, 個心簡直跳出來, 因為有印7號線個時間表, 應該唔入市區, 問隔離嘅乘客個個都唔知叫我問司機, 即刻又衝前去問司機, 好彩無上錯車, 折騰咗成兩個鐘終於都可以鬆下來, 簡直係精神虐待! 救命! 所以奉勸各位最好事先响網上搵定資料, 响Google印定地圖. 雖然我之前有上網搵資料, 但衰在無印出來, 攪到一穫泡, 因為想拿少一樣得一樣, 結果呢咪咁囉!
如果各位係住Maiori, Minori果邊即係Amalfi以東, 就千祈唔好似我咁白痴啦! 其實有比較快同容易嘅方法, 就係响火車站搭巴士去Salerno(Quadro 8: Salerno-Napoli (via Autostrada A3)), 見到via A3先好上因為行highway快啲, 約一個鐘之後再轉去Amalfi嘅巴士, 而Naples個Sita巴士站就係火車站一出沿左邊向後行經個垃圾站响正Hotel Ramada Naples門口, 果度亦係去Amalfi Coast嘅巴士站.
約6時多到達Maiori, 見到海邊就是了, 住Hotel Torre Milo, 之所以住Mairoi, 因為上網搵好耐發現呢度住宿較平, 本來想住Salerno果邊方便去Paestum, 但果邊住宿地方較少同埋最平都要60-70歐, 反正都要响Amalfi coast住所以book埋一齊費事搬來搬去. 而間Hotel Torre Milo差不多係我搵最平嘅地方, 之前都諗住唔樂觀, 點知間房幾大, 又清潔整齊, 仲包早餐, 一個字抵. 而Maiori除了有好多士多之外, 重有兩間大型超市, 我响Amalfi coast好似無見到有.
Maiori去其他地方巴士資料
Hotel Torre Di Milo; Address Via Nuova Chiunzi 74, 84010 Maiori; Tel (+39) 089-877 011; info@hoteltorredimilo.it; http://www.hoteltorredimilo.it/en/index.htm; €46x3=€138; Double room private bath with breadfast
留言列表
