2010-06-13 Sun (Day 8) Pisa & Lucca
今朝一早起身搭火車去比薩5.7歐, 去到真是很多遊客, 見到很多旅行團及旅遊巴士, 果然是著名景點, 回想起多年前跟旅行團幾曰去西歐四五國的情況, 當時都有來過, 但去完都不記得去過邊處嗰隻.
來到這裡都係同斜塔, 大教堂影吓相, 大部份人都係影托塔相, 好少遊客上斜塔, 可能太貴啦! 而我都無上, 本來想入大教堂參觀, 但剛巧入面有活動, 要晏少少至可以入內, 但我趕住搭車去路卡, 所以等不到啦! 唯有响出面影啦!
由火車站行去比薩途中, 看見的古董車同小教堂.
由於趕火車去路卡2.4歐, 匆匆參觀後, 又要趕去火車站, 本來想搭嗰班火車誤點, 所以等了個多小時車, 真是趕上加趕. 去到後, 遊客真是少很多, 跟着幾個遊客一齊行去i, i入面個女職員是我全個旅程英文最好的又helpful! Good!
路卡係我這旅程其中一個喜愛的地方, 唔知道係咪星期日的關係, 遊客少, 好平靜, 加上地方靚, 非常值得去.
圍牆綠草, 美麗調和的建築. 其中一座我喜歡的塔(3.5歐), 好平實, 望上去近頂部種咗一些綠色植物, 上到塔頂重有一棵大樹, 好特別好靚! 還可以欣賞到路卡的美境, 如有時間, 建議上去.
由於突然落雨, 加上已經很晏, 於是搭火車返回佛羅倫斯5.1歐, 晚上去很出名嘅ILLatini食一公斤牛排, 草包紅酒任飲, 盛惠100歐, 全個旅程最貴嘅一餐, 不過我唔喜歡要食完第一道菜先至俾叫下一道菜, 好嘥時間, 呢餐差不多食咗兩小時, 救命! 地址 Via del palchetti 6r. 不過個人認為La Spada比較好食同較多選擇, 所以响佛羅倫斯幾日大多食La Spada, 價錢同其他餐廳差不多, 最緊要味道好嘛!
留言列表
