2010-06-08 Tue (Day 3) Venezia 威尼斯
今日屋主Emanuele約咗一齊食晚飯, 佢都幾喜歡中國嘢, 所以希望我煮一啲中國菜, 免為其難應承佢,於是一早去超市度買定餸, 然後再出去閑逛, 重要急住6點番去預備晚飯, 諗住佢會煮啲餸一齊食, 點知佢買咗豆腐, 無浸水嘅上海年糕同埋小曼頭, 佢諗住我會識煮, 真係俾佢吹脹! 我同佢講上海年糕要浸水先煮倒同埋我只係預備咗一餸一湯會唔夠食, 早知淨係得我煮我就唔應承啦! 用咗成十幾歐先煮倒番茄薯仔牛肉湯同埋肉碎炒(類似)四季豆, 佢話俾番錢我, 我當然無要啦! 後來响我預備緊嘅期間, 佢竟然買咗個蒸籠番來蒸小曼頭, 咁都俾佢買倒真厲害, 不過佢無洗無浸就已經攞咗嚟蒸小曼頭, 最後佢哋都好滿意我煮嘅嘢食, 條氣都順番啲!
Basilicadi San Marco聖馬可大教堂(免費), 如有背包要到12點鐘方向黃色嗰座巷仔入右手邊寄放(免費)
文章標籤
全站熱搜
留言列表